Davao City – Usa sa diskarte nga gihimong sa gobyerno aron malikayan ang pagkuyanap sa makamatay’ng sakit nga coronavirus disease (covid-19) mao ang paglockdown sa tibuok Rehiyon 11.
Sumala ni Alex Roldan Department on Interior and Local Government (DLIG-XI) Director, gikinahanglan dinhi ang pagtuman sa mga giya nga gipatuman sa kagamhanan batok sa maong balatian ug sakripisyo una sa mga butang nga mawala kanato tungod kay temporaryo lamang kini.
Samtang gipasabot usab ni Roldan, dunay epekto kini sa mga trabahante nga inadlaw sa ilang kita tungod sa gipatumang guidelines ilabina sa mga drivers sa sakyanang de pasaheroan sa gipatumang social distancing, apan duna man puy ayudad nga gihatag ang gobyerno sa mga maapektohan.
Giklaro usab sa DILG-XI Director, bugtong himoon sa mga tawo karon mao ang pagsunod sa mga gipatumang giya aron malikayan ang pagkuyanap sa maong sakit tungod kay karon ang critical period sulod sa duha ka semana.
RadyoMaN Bernard Pantallon
