Davao City – Dili sa maglipay ang Southeastern Mindanao Diversified Drivers Operators Cooperative sa sagunson nga pagkunhod sa presyo sa produktong petrolyo niining panahona.
Suma ni SEMDDOC President Maning Duran nga wala pa’y rason aron magsadya ang sektor sa transportasyon ug ang publiko gumikan sa sunod-sunod nga oil rollback sa katarungan nga posibleng temporaryo lamang kini.
Gipasabot ni Duran nga natural lang mag-oil rollback tungod epekto kini sa pagkunhod sa world market nunot sa kataas sa demand sa tibuok kalibutan hilabi na sa Disyembre.
Apan pagsulod sa buwan sa Enero sunod tuig musutoy na sab ang presyo sa produktong petrolyo gumikan sa pagsugod sa winter season kun tingtugnaw nga dakong epekto sa suplay sa petrolyo sa daghang kanasuran.
Hinoon gidayeg sa transportasyon ang pag-ubos sa presyo sa petrolyo aning ulahing mga semana kay nakaalibyo usab kini sa pila ka semana nga nalugi sila sa ilang pamasahero tungod sa kamahal sa gasolina.
Subay ani, gikumpirma karons a Department of Energy ang subling oil price roll-back sa oil companies sa nasud nga gikatakda muarangkada sunod semana.
Gikan niadtong Oktubre 15, mukabat na sa kapin singko pesos ang pag-ubos sa presyo sa matag litro sa diesel samtang kapin siyete pesos usab ang pagkunhod sa matag litro sa gasolina.
RadyoMaN Joel Viray
