Gipistahan karon sa social media ug ge pang pasa-pasa nalang ni bisan kinsa ilabi sa FB may kalabotan kini sa ge alegar nga land grabbing didto sa isla sa Selinog ug ang gilambigit niini Mao si Romeo “Nonong” Jalosjos.
Ang mga alegasyon dugay na kini ug pila na katuig ang milabay adunay positibo ug negatibo nga komento, posible mitumaw napud pagbalik ang maong mga pasangil ug daw gituyo sa kahigayonan ilabi na nga nagkaduol na usab ang eleksyon sa tuig 2019.
Kahibaloan ang Jalosjos Kingpin maoy labing ilado kun pulitika na ang hisgutan dinhi sa probinsya sa Zamboanga del norte tungod kay dugay na usab sila sa maong karera.
Sa habig usab sa mga supporters ni Romeo “Nonong” Jalosjos nga napalit na matod pa kini nila ug gani kompleto sila sa papeles niini nga sila karon ang nagtipig niini.
Sa pakighinabi ning inyong tigbalita ngadto kang Romeo “Nonong” Jalosjos gibutyag niya dugay na kini nga isyu ug iya na kining na dungog sa mga radio Station pipila na ka tuig ang milabay nga naghisgot niini nga isyo.
Matod pa ni Nonong Jalosjos adunay may Judicial nga naglihok nganong dili man sila mo adto sa korte ug mopasaka ug reklamo kung aduna may kamatuoran ang land grabbing dinhi sa Zamboanga del norte tungod kay patas ug gitugotan man ang tanan para sa hustisya.
Imbis nga iyang tubagon ang maong mga alegasyon gihagit niya ang bisan kinsa nga mopasaka ug kaso batok kaniya ug didto na unya sila mag atubang sa korte. Nagtuo usab siya nga adunay nag galgal ug politika lamang kini nga isyo.
