Paslak sa selda sa Police Station 5 ang duha ka mga suspek nga tigpayuhot sa gidiling droga human nga nasikop sa kapulisan atol sa gipahigayon nga drug buy bust operation sa managlahing oras ug dapit apan managsamangBarangay.
Alas 10 ang takna kagabie, napalitan sa poseur buyer ang usa ka suspek nga nailing si Jason Bantilan , 29 anyos ulitawo walay trabaho taga purok 12 Saray ning syudad sa Iligan.
Napalitan sa poseur buyer ang suspek ug usa ka sachet sa shabu kilid sa usa ka gas station sa may Saray ning dakbayan diin nakuhaan pa ug laing lima ka sachet sa shabu ingon man 500 pesos nga marked money.
Alas 10 y medya usab ang takna kagabie laing suspetsado nga tigpayuhot sa gidiling droga ang nasikop sa ginsakpan sa kapulisan nga nailang si Von Ryan Sabayle 38 anyos, separated ug walay trabaho taga purok 11 Saray ning dakbayan sa Iligan.
Napalitan usab kini sa poseur buyer ug usa ka sachet sa gituohang shabu ug naconfiscate sa iyang possesion ang laing upat ka sachet sa shabu ingon man drugparaphernalias ingon man ang 500 pesos nga marked money.
Mag atubang sa kasong paglapas sa Republic Act 9165 ang duha ka mga suspek nga anaa kasamtangang naka detained sa presento 5.
| | Virus-free. www.avast.com |
