Roomboy namaklad gipapulis

129

Davao City – Gipapulis ang usa ka roomboy kinsa namaklad sa ilang guest nga babaye sulod sa kwartong giabangan sa Travelers Inn, Sasa, Davao City.

Ang suspek giilang si Help Cortez, 18 anyos, ulitawo, ug stay-in sa gitrabahoan niini nga inn.


Ang suspek giakusahan sa biktimang babaye nga si Alyas Cherry, 32 anyos, ug taga-Digos City nga namaklad kaniya samtang natulog sulodd sa kwarto.

Segun ni Alyas Cherry, nagtapis lang siya og towel samtang nahinanok og katulog kauban ang iyang anak.

Gumikan kay milihok ug miaksiyon og hilak ang bata maong nakamata si alyas cherry.

Matud ni Cherry, giwakli sa roomboy ang kurtina sa iyang kwarto aron malantawan sa batan-on ang iyang nagsanag niyang lawas ug mga paa.

Apan hugot gilimod sa suspek ang akusasyon ni Cherry kaniya sanglit wala matud pa niya tuyoa ang pagwakli sa kurtina ug labaw nang wala sab siya’y tuyo nga baklaron ang biktima.

Apan bisan paman niini wala mutuo sa rason sa suspek ang biktima ug kumbinsido kini nga gibaklad sa roomboy hinoon dili na moduso og kaso batok sa batan-ong lalaki.

RadyoMaN Joel Viray

Facebook Comments

From Advertisers