Unang adlaw pa lamang niya sa posisyon sa pagka-presidential spokesperson sa Malacañang, makita na ang agresibong istilo sa bag-ong okupante niini nga si former KABAYAN Partylist Rep. Harry Roque.
Sa iyang maiden news briefing, gitataw ni Roque nga believer ug advocate siya sa gitawag nga ‘marketplace of ideas’ diin mamahimong interpretahon sa mga kritiko ni Pres. Rodrigo Duterte ang iyang bahad nga molabay usab siya ug ‘hollow blocks’ sa aspetong ‘literal’ o ‘figurative.’
Sa pangutana kun unsay ‘marching order’ ni Duterte ngadto kaniya, si Roque nagtug-an nga siya gimandoan lamang sa duruha ka butang: ‘Do what is right, speak the truth.’
Laraw usab sa bag-ong tigpamaba nga maghimo ug regular nga news briefing kada Mierkules haron matunolan ug igong kasayuran ang mga tigbalita ug ang publiko.
Sa mga pangutana sa extra-judicial killings, subling gitataw ni Roque nga subayon sa Duterte administration ang balaud sa pagpatuman sa ‘war on drugs’ apan tahuron gihapon ang ‘right to life’ bisan pa man sa iyang pag-angkon nga sa matag gyera, dili gayud kalikayan nga aduna gayuy mga tawong mapagan gitawag nga ‘collateral damage.’
Si Roque maoy nipuli kang former spokesperson Ernie Abella.
RadyoMaN June Duterte
