Subling gipasalig karon ni Presidential Spokesperson Harry Roque nga hatagan gayud ug nag-unang atensyon kun pagtagad sa administrasyong Duterte ang pag-imbestigar sa sunod-sunod nga kamatay sa nasud.
Sa regular presser kaganina, gibutyag ni Roque nga mismong ang hepe sa Philippine National Police (PNP) Director-General Oscar Albayalde maoy mangulo sa imbestigasyon aron sutaon ang kamatuoran sa kamatayon nila ni Fr. Richmond Nilo, pari sa Nueva Ecija kinsa gipusil samtang nag-misa, Assistant Special Prosecutor Atty. Madonna Joy Tanyag ug lain pang pari sa kaulohan kinsa gipusil usab samtang nag-officiate sa usaka bunyag.
Gawas niana, prayoridad sa estado nga lili-on ang tanang mga insidenteng kamatay gumikan sa kabalaka mismo ni Pres. Rodrigo Duterte nga adunay pagsaka kun ‘spike’ sa krimen sa nasud gani pakigkitaan niini ang liderato sa PNP aron suknaon unsay aksyon ang ilang gitomar karon kalambigit niini.
Kahinumdoman usab nga dinhi sa Mindanao, usaka newspaperman ang gibugha-patay sa Panabo City mientras usaka outgoing Barangay Chairman sa usaka distrito sa dakbayan sa Davao gipusil-patay sa mga mamumuno sa wala pa masayring rason.
RadyoMaN June Duterte
