Giklaro karon ni Malacañang spokesperson Harry Roque nga husto lamang ang pagpakita ni recruiter Agnes Tuballes ngadto sa mga awtoridad sanglit daghang pangutana ang angayan niyang tubagon kalambigitan sa kamatayon ni OFW Joanna Daniela Demafelis didto sa Kuwait.
Sa palace presser, gibutyag ni Roque nga mando gayud mismo ni Pres. Rodrigo Duterte nga arestohon si Tuballes kun magdumili kini sa pagtahan sa iyang kaugalingon ug manubag sa mga sirkumstansyang naglimin sa kamatayon ni Demafelis.
Sa pikas bahin, usaka ‘welcome development’ alang sa palasyo ang inisyal nga rekomendasyon sa gimugnang Consultative Committee alang sa pag-amendar sa 1987 Philippine Constitution nga sagopon sa nasud ang usaka federal-presidential system of government.
Matud ni Roque, nahasubay gihapon kini sa kabubut-on ni Pres. Rodrigo Duterte nga atong sundon ang federalism French model diin tawo gihapon ang mamili sa usaka Presidente mientras ang inadlaw-adlaw’ng operasyon sa gobyerno gunitan sa usaka Prime Minister kinsa pili-on sa iyang mga peers kun mga kakaubanan sa asembleya-nasyunal.
RadyoMaN June Duterte
