Gitino karon ni presidential spokesperson Harry Roque nga bugtong kaayuhan sa katawhan lamang ang anaa sa hunahuna sa pamuno-nasud sa dihang iyang gibutyag nga malagmit niyang ibalik sa nasudnong kapulisan ang ‘war on drugs.’
Matud sa tigpamaba, nagpakita lamang kini nga aware si Pres. Rodrigo Duterte sa mga kakulangon sa PNP apan mas bug-at gihapon ang realisasyon nga halapad pa ang kampanyang angay sustinihan sa gyera kontra iligal nga drogas diin daku ang papel sa PNP.
Sa pikas bahin, gibutyag sa Malacañang spokesperson nga ang kaso kontra sa mga mamumuno nga nihunos sa kinabuhi sa 58 ka mga biktima tapuson gayud haron makab-ot ang matuod nga hustisya.
Gitino ni Roque nga usa sa protocol kun sistemang nahiusahan aron mopaspas ang pagbista sa kaso mao ang ‘first in, first out’ diin dili na kinahanglan nga tapuson una ang reception sa tanang gikiha aron paspas nga matigayon ang ‘promulgation of judgment.’
Mga pamilya sa mga biktima nipasalig nga dili nila dawaton ang bisan unsang tanyag o ‘offer’ sa kampo sa mga suspetsado aron makig-areglo.
Pipila ka mga tagtungod sa mga nahimong biktima sa Ampatuan massacre gikatakdang makigtagbo karong hapon kang Pres. Duterte aron pangayoon ang pasalig nga ang kaso resolbahon ug ang hustisya ilang mabatonan.
RadyoMan June Duterte
