Giklaro karon ni Presidential Spokesperson Harry Roque nga pinasikad sa mando ni Pres. Rodrigo Duterte, Department of Trade and Industry (DTI) na ang gitahasang mo-import kun mo-angkat ug bugas gikan sa gawas.
Sa palace presser, gibutyag ni Roque nga ang maong taktika direktang tubag sa gobyerno ngadto sa kakulang sa ‘affordable rice’ ngadto sa mga pobre pinaagi sa pagpabaha sa mga baratong NFA rice diha sa merkaduhan sa kantidad nga P27 matag kilo nga kaya rang abton sa yanong mga lungsuranon.
Una niini, gilaraw sa DTI nga mamaligya ug tag-duha ka kilo nga NFA stocks sa presyo nga P27 diha sa mga nang-unang mga malls ug supermarkets sa entero Pilipinas aron makabaton ug oportunidad ang mga ordinaryong residente sa available rice supplies sa affordable nga presyo usab niini.
RadyoMaN June Duterte
