Gitataw karon sa palasyo sa Malacañang nga walay igong kapasikaran ang mga akusasyon sa mga kaaway sa estado kontra sa liderato ni Pres. Rodrigo Duterte sa alegasyong ‘crimes against humanity’ sa Philippine war on drugs.
Sa regular news presser sa palasyo, gitino ni palace spokesperson Harry Roque nga wala matandog ang Duterte administration sa ‘preliminary examination’ sa maong mga alegasyon sa nataran sa International Criminal Court (ICC).
“He (Pres. Duterte) will assert the principle of complementarity…we stand by our contention that the ICC is a court of last resort,” segun ni Roque silbing pagpatino kun unsay gibarugan nga postura sa gobyerno sa mga akusasyon kontra sa pamunuan.
Matud ni Roque, ang anti-drug campaign makonsidera nga usaka lehitimong pag-utilisar sa poder ug pwersa. “It is not a direct attack on its civilian population. It is a valid exercise of a sovereign power,” matud niya.
Agig tubag sa pangutana kun may kalambigitan ba ang political opposition sa mga alegasyon, gibutyag sa tigpamaba nga klaro kaayo ang kamot sa mga kaatbang sa pamuno-nasud.
“In fact, sila po ang behind this, obviously, this is intended to embarrass the president…they will fail,” pagpatin-aw pa ni Roque.
RadyoMaN June Duterte
