Davao City – Dako ang pagsalig ni Presidente Rodrigo Duterte ni kanhi KABAYAN partylist Rep. Harry Roque sa katakus niini isip iyang bag-ong spokesperson.
Sumala ni Davao City first district councilor Nilo “Small” Abellera Jr., dunay igong pagsalig si Duterte kang Roque nga mapasabot niini pag-ayo sa katawhan ang iyang mga mensahe.
Ensakto ug haum kaayo suma ni Abellera si Roque nga tigpamaba sa pangulo tungod kay pareho silang abogado ug kaya niini nga i-esplikar ang tinuod nga unod sa iyang mga pahayag.
Sa pikas bahin usa ka shocking development ang pagkapili ni Roque tungod kay duna kini mga kontrobersiya nga gikalambigitan hinungdang giwagtang kini sa partylist. Wala na gi-detalye ni AKBAYAN spokesperson Prof. Randy Ponteras kung unsay mga gikalambigitan ni Roque, apan natingala siya kung nganong si Roque gikuha sa presidente kay basin unya ug madamay pa kini.
RayoMaN Bernard Pantallon
