Gitino karon ni Presidential Spokesperson Harry Roque nga bisan pa man kun suportado ni Pres. Rodrigo Duterte ang usaka ‘all-inclusive BBL,’ dili siya motugot nga matukod ang usaka ‘sovereign state’ gawas sa lagda sa Konstitusyon ug nga walay laraw ang estado nga ipamugos kini kun wala kiniy halapad nga konsultasyon sa tanang sector sama sa eksperyensya sa estado sa Quebec sa Canada.
Sa Malacañang news briefing sa Zamboanga City, gisugilon ni Roque nga dili gayud mo-uyon ang pamunuan nga itunol ang bisan usaka pulgada sa Philippine territory gawas sa parameters sa balaud.
“The President will not allow an inch of Philippine territory to be ceded away…the BBL must be within the context of only one Republic,” katin-awan sa tigpamaba.
Sa isyung ‘coalition government’ nga gipangayo sa Philippine communist left, walay plano ang administrasyon nga makig-negosyar nianang butanga sa usaka hut-ong nga walay legal ug lehitimong mandato gikan sa tawo, segun ni Roque.
Gibigwasan usab subli ni Roque ang mga Maoists sa ilang insurhensiya nga ‘out of tune’ na sa aktwalidad ug realidad sa kalibutan karon diin mismong ang China nga ilang nag-unang modelo ug patron nahimo na karon nga usaka ‘capitalist state’ uban sa pag-ingon nga ‘laos ug traydor’ ang rebeldeng grupo.
Sa hisgotanang extended martial law human matapos kini karong December 31, 2017 dugang sa tigpamaba nga mas maayong ihatag kini nga prerogative ngadto sa Armed Forces of the Philippines (AFP) kun unsa man ang ilang opisyal nga suhestyon ngadto sa pamuno-nasud.
Karong Lunes, gikatakdang basahon verbatim sa palace spokesperson ang statement kun mensahe sa armadong kusog sa nasud sa gikasugyot nga extended martial law sa Mindanao.
RadyoMan June Duterte
