Good news alang sa tanang Pilipinong na-stress na’g maayo sa daw nagkamang natong cellular signal ug internet speed and access sa nasud gumikan mo-entrahay na ang bag-o ug ikatulong telecommunications carrier dinhi sa atong republika.
Sa regular Monday News Briefing sa palasyo sa Malacañang, gibatbat ni Presidential Spokesperson Harry Roque nga adunay tanyag ang Duterte administration alang sa usa ka Chinese telecom giant ingon man ang usaka subsidiary sa Facebook.
Ang maong telecom carrier gilaumang makatunol ug two (2) terra gig sa connectivity gawas sa uban pang mga enhancements nga matunol niini alang sa pag-improbar sa komunikasyon sa entero nasud.
Sa susamang palace presser, gibutyag usab ni Roque nga adunay mas halawom pa diay nga rason nganong naka-decidir ang presidente nga buhi-an na si Dionisio Santiago isip hefe sa Dangerous Drugs Board (DDB).
Pipila sa mga katarongan mao ang nadawat nga inpormasyon ug reklamo kontra kang Santiago sa alleged ‘junkets’ abroad inubanan pa gayud sa mga family members niini, unom sa iyang mga ‘closest personnel’ apil na ang usa ka gitawag nga ‘girl Friday’ nga ginganla’g usa ka Edith Julie Mendoza ug usaka balay kun propyedad gituhuang gitunol ni slain druglord Ozamiz Mayor Reylando ‘Aldong’ Parojinog.
“This shows the President’s resolve not to tolerate junkets and anomalies,” dugang pagpatin-aw sa tigpamaba sa Malacañang.
Una niini, nigula usab ang mga isyu sama sa gi-hire nga private company nga gitahasang mosunog sa mga confiscated drug materials ubos sa liderato kaniadto ni Santiago sa PDEA diin mismong mga personahe sa maong kumpaniya mao na man hinoon ang nadakpang nag-recyle sa maong kontrabando.
RadyoMan June Duterte
