Subling gitino karon sa palasyo sa Malacañang nga mohatag lamang kini sa tubag ngadto sa mga akusasyon sama sa giluwatan sa usaka senador kun mogula ang mga authenticated bank documents nga gi-alegar.
Sa regular news briefing karong buntag, gibutyag ni Presidential Spokesperson Harry Roque nga dili maki-angayon nga tubagon ang mga akusasyon base lamang sa ispekulasyon ug istorya-istorya lamang.
Kahinumdoman nga usaka bag-ong akusasyon giluwatan ning labing ulahi ni Sen. Antonio Trillanes IV kalabot sa gitawag niya nga tinipigang bahandi sa pamilyang Duterte.
Sa pikas bahin, gitino karon sa tigpamaba sa palasyo nga wala matandog ang liderato ni Pres. Rodrigo Duterte sa hagit ni Philippine communist Left consultant Jose Maria Sison nga sundogon sa mga millenials karon ang aktibismo sa mga kabatan-onan niadtong dekada 70 labing nailhan nga ‘First Quarter Storm’ diha sa kampanyang pakigbatukan ang presenteng pamunuan.
“The problem with Sison is that he has not moved beyond the First Quarter Storm…I hope he has enough grandchildren to answer his call,” panapos nga pamahayag ni Roque.
RadyoMaN June Duterte
