Rotary Club of Iligan Maria Cristina nang-apod-apod ug school supplies ug hygiene kit sa mga tinun-an nga biktima sa sunog.

54

Iligan City – Dili na bag-o pa alang sa Rotary Club of Iligan Maria Cristina ang paghatag ug ayuda alang niadtung mga nanginahanglan.

Kini human nang-apod-apod ang maong hugpong ug school supplies ingon man hygiene kit sa mga kabataan nga biktima sa sunog sa barangay Ubaldo D. Laya.


Anaa dul-an sa usa ka gatus ka mga learners sa ubaldo d. laya memorial central school nga biktima sa sunog ang natunolan ug ayuda sa Rotary Club of Iligan Maria Cristina kagahapong adlawa.

Gibutyag ni Ma. Lourdes Echavez ang Presidente sa Rotary Club of Iligan Maria Cristina nga human nasayran sa ilang grupo ang kawad-on sa mga bata sa ilang mga gamit sa pagtungha dali sila nga nag-contribute aron makapamalit ug gamit nga ilang mahatag sa maong mga tinun-an.

Dugang ni Echavez nga bisan asa nga kalamidad andam kanunay ang ilang grupo sa paghatag ug ayuda.

Gipanghinaut ni Echavez nga makatabang na ug daku sa mga bata ang ilang nadawat nga school supplies ug hygiene kit ingon man makabangon na unta sa hinay-hinay silang mga nahimong biktima sa sunog.(Ghiner L. Cabanday, RMN Iligan)

Facebook Comments

From Advertisers