Gipangunahan sa Rotary Club sa dakbayan sa Valencia sa pakigkoordinar sa pangagamhanan sa maong syudad ang orientation mahitungod sa pagpamakuna batok Covid-19 kagahapong adlawa didto sa Brgy. Bagontaas, Valencia City, Bukidnon.
Tumong sa maong orientation nga maaghat ang kadaghanan sa katawhan sa maong siyudad labi na mga Senior Citizens nga magpabakuna batok Covid-19.
Gikasubo karon nga kadaghanan sa populasyon dili lang sa maong siyudad apan lakip napud sa tibook probinsya ang kahadlok sa mahimong epekto human nga mabakunahan.
Giklaro kini sa mga nagpahigayon nga walay angay kabalak-an tungod kay kini nga lakang gihimo aron nga maproteksyunan sa hulga sa maong sakit.
Magatuyok pa sa laing mga barangay sa dakbayan ang Rotary Club aron maaghat ang mga katawhan nga magpabakuna kontra Covid-19.
