Davao City – Muarangkada na ang ika-duhang hugna sa relief goods alang sa mga pamilyang apektado sa COVID-19 pandemic.
Sumala kang Davao City Mayor Sara Duterte nga gihuman niadtong niaging semana ang unang hugna sa pagkaon nga ayuda.
Mokabat sa 350,000 ka nga rasyon ang gipangtunol sa katawhan.
Ang lokal nga panggamhanan sa Davao adunay upat ka mga progeama mao ang food ration ilawom sa City Social Welfare and Development Office (CSWDO), Agri-food Program sa City Agriculturist Office (CAO) ug City Veterinarian’s Office (CVO), Hot Meals (Lomi ug Lugaw) on Wheels program ug barangay rice distribution program ration.
Ang mga walay ration cards makadawat og Agri-Food Card para sa mga produktong gulay, prutas, gatas, karne ug itlog nga ihatag sa lokal nga gobyerno.
Sa pagpanguna sa Barangay and Cultural Communities Affairs Division (BCCAD) gahatag og mga hot meals lugaw ug lomi sa 98 ka mga lugar sa lungsod.
Muhatag usab ang City Government of Davao og tag-100 ka sako sa bugas sa matag barangays.
RadyoMaN Aimee Guinita
