Davao City – Nagpasalamat sa Ginoo si Dennis Larrida, usa sa bitima sa nahitabong Roxas Night Market bombing, tungod kay inanay nang nakabalik sa normal nga pagkinabuhi human sa pagbuto sa bomba sa Roxas Night Market niadtong September 2, 2016, duha ka tuig na ang nakalabay, nga miresulta sa pagkamatay sa ilang bugtong anak ug iyang asawa.
Sumala ni Larrida, gikinahanglan gyud nga mag-‘move on’ tungod kay buhi pa ug ania pa sa kalibutan.
Matud ni Larrida, dili matagna kung kanus-a ug asa manghasi ang mga terorista gani bugtong himoon na lamang nga kinahanglang andam kita kanunay kung unsa man ugaling ang mahitabo.
Kanunay gihapong gi-ampo ni Larrida ang mga tawong namomba sa Roxas Night Market nga makaila sila sa Diyos aron mapasaylo ug dili na maghimo pag-usab sama kaniadto.
RadyoMaN Bernard Pantallon
