Davao City – Subling gipahinumdom sa City Government of Davao ang ‘Culture of Security’ usa ka kampanya sa lokal nga gobyerno batok terorismo ilabi na sa paghinumdom sa ika-lima (5) ka tuig nga paghandum sa Roxas Night Market bombing kagahapong adlawa (September 2, 2021).
Sa mensahe ni Davao City Mayor Sara Duterte-Carpio pinaagi sa iyang official Facebook page, giawhag niini ang Davaoeños nga suportahan ang maong anti-terrorism campaign nga adunay tagline “Kapag May Nakita, Dapat Magsalita” diin dako kini og tabang aron masumpo ang hulga sa terorismo sa dakbayan.
“Mahalaga ang mag Volunteer, Participate, Remind at Report ang bawat laban sa terorismo. Patuloy din ang ating kampanya sa pagpapa-alala na “Kapag May Nakita, Dapat Magsalita!,” tipik sa pamahayag sa mayor.
Mipaabot og pag-ampo ang alkalde sa mga mipanaw tungod sa pagpamomba niadtong 2016.
Karon nga tuig, wala nakabisita personal ang mayor sa Roxas Night Market kung asa ginahimo ang misa o seremonya tungod na usab sa pagtaas sa kaso sa Coronavirus Disease 2019 (COVID-19)
Hinuon, gitugotan ang mga kabanay sa mga biktima nga muhalad og bulak ug pag-ampo apan hugot nga gipatuman ang minimum public health standards ilabi na niining panahon sa pandemya.
RadyoMaN Kirby Manzon
