Roxas City, Capiz – May yara na sang bag-o nga hepe ang Roxas City Jail nga nahamtang sa Brgy San Jose syudad sang Roxas.
Ini amu si Jail Chief Inspector Abner Zamora nga una man na-assign sa nasambitan nga pasilidad.
Sa interview sang RMN- Roxas, ginpahayag sini nga ang assignment niya bilang bag-o nga jail warden sang Roxas City BJMP ang parte lamang sang regular nga rigodon ukon balasahan sang mga jail warden sa Region- 6.
Ginpasalig sang bag-o nga hepe sang Roxas City Jail nga ipabilin sini ang kalinong sa amo nga pasilidad.
Ginpasiguro man ni Zamora nga ila protektahan ang kinamatarong sang mga persons deprived of liberty(PDL) agud nga mangin produktibo na nga indibidwal ang mga ini sa tiun nga makaguha sa presohan.
Suno kay Zamora, ang bag-o sini nga assignment ang ginakabig man niya nga “challenge”.
Si Zamora ang pormal nga nag-asyumar sa pwesto sang nakaligad nga Oktubre 16, 2019 kun sa diin gintal-osan sini si J/SINSP Egbert Nagrampa.
