Roxas City, Capiz – Nagapabilin nga ang syudad sang Roxas amo ang may yara sang pinakadamo nga kaso sang COVID-19 infection sa bilog nga probinsya sang Capiz.
Basi sa status update nga ginpaguha sang Provincial Health Office, sa kabug-osan nga 95 ka mga confirmed cases, ang Roxas City ang may yara sang 22 na tanan ka mga kumpirmado nga kaso sang coronavirus disease.
Ini ang ginasundan sang banwa sang Pontevedra nga may onse(11); banwa sang Tapaz nga may napulo(10); banwa sang Jamindan nga may siyam(9)samtang ang banwa sang Pilar nga may walo(8) ka mga kaso.
Ang mga kabanwahanan sang Maayon kag President Roxas ang may yara na sang tig-lima(5) ka kaso; Ang mga banwa sang Dumalag kag Mambusao ang may tig-apat(4) ka mga confirmed cases; banwa sang Cuartero, Dumarao, Panay kag Panit-an ang nakabalhag sang tig-tatlo(3) ka mga kumpirmado nga kaso.
Ang mga banwa sang Dao kag Sigma ang may tig-duha(2) samtang ang banwa sang Ivisan ang may isa ka corona virus infection.
Nagapabilin nga ang banwa naman sang Sapian ang wala sa gihapon sang may narekord nga COVID-19 case.
