Roxas City, Capiz – Isa ka deriktiba ang ginpapanaog ni Roxas City mayor Ronnie Dadivas para sa pag-establisar sang border security kag quarantine protocols para sa syudad agud nga maproteheran ang ikaayong lawas kag safety sang mga residente kontra sa Coronavirus Disease 2019 (COVID – 19).
Base sa Executive Order No. 13, series of 2020, nga gin-issue sang Marso 14, sakop sini ang tanan nga mga sea kag land transport kun sa diin tanan nga point of entry sa Roxas City ang igasara sa tanan nga passenger vessels until further notice.
Ini ang ginalakipan sang Barangay Culasi Port, Brgy. Banica wharf, Brgy. Libas Port kasubong man ang water landing kag docking sites sa area sang Barra, Cogon, Punta Cogon, Olotayan, Baybay, Talon, Culajao kag Tanza.
Ginabawalan man ang tanan nga non-conventional vessels nga magdungka kag mag-unload sang mga pasahero sa tanan nga seaports, wharfs kag iban pa nga point of entry sa syudad.
Ang tanan man nga public utility kag private vehicles ang gina-require nga magpaidalom sa security kag quarantine protocols kasunod sa ginpapanaog nga guidelines sang Department of Health (DOH).
photo(c)- Roxas City Information Center
