Roxas City PNP, mas labi nga ginhugot ang seguridad sa agud nga mapunggan ang pagsulod sang kontrabando sa detention cell!

Roxas City, Capiz – Mas labi subong nga ginahugot sang pamunoan sang Roxas City PNP ang seguridad kontra sa ginapasulod nga mga kontrabando sa detention cell sang Roxas City Police Station.
Ginpahayag ni Lt Col Ricardo Jomuad Jr. nga may yara na ini sang deriktiba sa jail guard nga bawalan ang mga nagabisita nga magsulod malapit sa karsel kag sa baylo ang jail guard na lamang ang magadul-ong sang mga pagkaon para sa mga preso.
Mahibaluan nga sang nakaligad nga nagpatigayon sang inspeksyon, may narekober nga cellphone sa sulod sang karsel ang mga kapulisan subong man madamo nga upos sang sigarilyo kag iban pa nga kontrabando.
Aminado naman si Jomuad nga sa subong kulang sila sang jail guard nga babaye nga amo ang maga-rekesa sa babaye nga nagabisita sa mga preso.
Nahibaluan nga kadam-an sa mga napreso sa Roxas City PNP ang lunsay nagkaladakpan may kaangut sa mga ilegal nga druga.

Facebook Comments