Roxas City, Capiz – Hugot pa nga ginabawal ang paghampang sang basketbol sa mga kabarangayan. May kaangut sini, nagpaandam ang Roxas City PNP nga pagakakason nila ang basketball rim pananglitan nga may yara sila sang mabaton nga reklamo.
Ginpunto sang hepe nga si Lt Col Ricardo Jomuad Jr nga sa subong nga mga tiniun, hugot pa nga ginabawal ang contact sports kapareho sang basketbol.
Ini ang nakapagkit suno sa iya sa resolusyon nga ginpaguha sang national IATF.
Samtang ginkumpirmar man ni Jomuad nga pila na ka mga basketball rim sa mga barangay sang Banica, Bolo kag Lawaan ang ila nga ginpangtabunan kag ginpangkakas bangud naaktuhan ang pila ka mga persona nga nagahampang sa gihapon sang basketbol apisar ini ang hugot nga ginabawal.
Facebook Comments
