BACOLOD CITY – Gin implicate sang kilala nga bag man sang Beria Drug Group diri sa ciudad sang Bacolod sanday anay DILG Secretary Mar Roxas kag anay Senate President kag karon senador Franklin Drillon nga protector kag utok sang illegal drug operation.
Sa ika-anum na nga affidavit nga iya ginpirmahan, ginlakip ni Ricky Sereño sanday Roxas kag Drilon kag iya gintudlo ang duha nga konektado sa napatay nga drug personality sang Iloilo City nga si Melvin Odicta, alias Dragon.
Suno kay Sereño, base sa iya affidavit, sanday Drilon kag Roxas amo ang utok sa pagpasulod sang illegal drugs sa Negros Occidental pinaagi naman kay Iloilo City Mayor Jed Mabilog.
Madumduman nga sa nakaligad nga mga affidavits nga ginpirmahan ni Sereño, pila na ka kilala nga mga matag-as nga opisyal sang PNP sa Bacolod kag Negros ang iya ginhinambit kag gintudlo bilang mga protektor sang illegal drug operation.
KON IKAW PAHAMBALON, MAY ANGOT GID BALA ANG INI NGA MGA OPISYAL SA DRUGA SA WESTERN VISAYAS?
