Roxas night market reopening sa September 12, 2020

21

Davao City – Karon nang Setyembre 12, ning tuiga subling ibalik ang operasyon sa Roxas Night Market, sumala ni City Health Office (CHO) head Dra. Josephine Villafuerte atol sa interbyu sa RMN Davao.

Matud ni Villafuerte, estriktong ipatuman ang ‘No-Swab Test, No Sell’ policy o tulo ka adlaw una mag-abli ang Roxas Night Market, kinahanglan napailawom na sa test ang mga vendors, masahista ug mga suppliers ug sundon ang gi-require nga mga health protocols. Lakip sa mga hisgutanan ang pagbutang sa barriers sa mga lamesa sa mata’g stalls.

“There’s going to be series of meetings requiring vendors nga kinahanglan mag- RT-PCR sila kay ug wala dili sila makabaligya, they should abide with the health protocols: masks, full face shield, gloves, hair net or cover sa hair, tanan,” segun ni Villafuerte.

Gibutyag ni Villafuerte, i-swab test usab ang mga security personnel nga magbantay sa Roxas Night Market.

Samtang, gibutyag ni Davao City Mayor Sara Duterte atol sa ika-4 anibersaryo sa Roxas Night Market Bombing nga gipaniguro sa lokal nga gobyerno nga dili mamahimong problema sa seguridad ug sa COVID-19 pandemic ang subling operasyon niini.

Ang Roxas Night Market ilawom na kini sa Tsangge sa Katawhan Management Inter-Agency Team sa Davao LGU sa pagpanguna ni City Treasurer’s Office head Atty Lawrence Bantiding nga gilangkuban kini sa Public Safety and Security Command Center (PSSCC), City Health Office (CHO), Civil Security Unit, City Environment and Natural Resources Office (CENRO), Davao City Police Office ug Task Force Davao.

RadyoMaN Aimee Guinita




Facebook Comments