Davao City – Suportado ni Davao City Police Office (DCPO) Spokesperson Captain Rose Aguilar ang subling pag-abli sa Roxas Night Market karong Sabado human sa pipila ka bulan nga temporaryong pagpasira niini nunot sa COVID-A9 pandemic.
Gibatbat ni Aguilar nga mas maayong maablihan pag-usab ang Roxas Night Market aron hinay hinay’ng mabati pod ang pagbalik sa normal dinhi sa syudad.
Kumbinsido si Aguilar nga dili ma-sustain ang Roxas reopening kun walay hugot nga health and overall security monitoring and evaluation ang mga tinugyanan sa balaud.
Matud ni Aguilar, andam na kaayo ang DCPO diha sa pagpakatag sa igong gidaghanon sa mga personahe aron maghatag og lig-on nga seguridad sa publiko nga mag-suroy suroy ug maglingaw-lingaw sa mga public convergence areas sama sa Roxas Night Market.
Hinonoa, nagpasidaan and DCPO spokesperson ngadto sa katawhan nga sundon sa makanunayong pamaagi ang pagsunod sa tanang mga health protocols and guidelines sama sa social distancing, pagsuot og face mask ug face shield ug alcohol samtang gidid-an ang tanang mga tigulang ug mga menor de edad nga musulod sa Roxas Night Market ning panahon sa public health emergency.
“Ang akoa ana nga dili na mu-come up nga ipahigayon na siya nga i-open (ang Roxas Night Market) without kadtong mabusisi (nga) pag-check sa tanang site…So, hundred percent agree (ko) ana para hinay hinay nato (nga) mabati pod nga mabalik na ‘ta sa normal,” panapos ni Aguilar.
RadyoMan Joel Viray
