RP-FP outreach program, ipahigayon sa Provincial Health Office

IPAHIGAYON sa Provincial Health Office (PHO) sa Pangagamhanang Probinsyal sa Bukidnon ang Responsible Parenthood-Family Planning (RP-FP) Outreach Program sa mga lungsod sa Impasugong, Bukidnon karong umalabot Nobyembre 24-25, 2020 ug Manolo Fortich, Bukidnon sa Disyembre 1-2, 2020.

Sigun ni Maria Elena A. Dandasan, Provincial Family Planning Program Coordinator sa PHO, nga tumong sa kalihukan nga mahatagan ug pagtagad ang panglawas sa kababaihan nga malikayan ang maternal death ingon man ang neonatal death.

Subay sa Maternal and Neonatal Death Statistics 2019 Annual Report sa Provincial Health Office, anaa sa dose (12) ang ihap sa maternal death ug sais-syentaý sais (66) ang neonatal death.


Base usab sa datus sa PHO sa number and proportion sa Women of Reproductive Age (WRA) nga nag-edad sa 15 hangtud 49 anyos nga gustong magplano sa pamilya apan walay gigamit nga pamaagi aron dili usa magmabdos, anaa kini sa 1,846, as of 2nd Quarter ning kasamtangang tuig 2020. Kini ang hinungdan nga sunod-sunod ang gipahigayon nga outreach program sa PHO diha sa pakig-alayon sa mga Local Government Units, Department of Health-Region 10, Population Commission, ug ang U.S. Agency for International Development (USAID).

Alayon niini, malampuson na nga napahigayon ang RP-FP Outreach Program sa mga lungsod sa Baungon, Quezon, Dangcagan, ug Sumilao diin gilusad sa PHO ang paghatag-kasayuran (information dissemination), pagtambag (counselling), pagsusi (assessment), pagtaod sa Progestin-only Subdermal Implant (PSI), ug ang skills training sa pagtaud ug pagtangtang sa PSI.

Facebook Comments