Ya hace pasa resolusyon el Regional Peace and Order Council (RPOC) para pidi con el Ahensya de Immigraccion manda conduci profiling con el mga personalidad estranghero que ta vene aqui na ciudad y conduci maga junta o queda juespe del tal mga actividades de relihiyon.
Asegun con el RPOC Chairman y Alcalde Beng Climaco-Salazar, necesita conduci profiling conestos mga estranghero si taqui na ciudad para fuede determina si verdadero ba el cosa diila mga objeto y asegura que hinde y nuay que hace de insinuacion de terorismo o violencia.
Necesita asegun conduci profiling conestos mga persona masquin cosa man grupo sila ta representa para asegura que hinde estos pone na peligro con el de aton ciudad y influencia na mal manera con el mga vivientes.
Por su parte, el comandante del Western Mindanao Command Lt.General Carlito Galvez, Jr ya para tambien resolucion donde ta hace llamada con el todol liderato del sultanato, Ulama, Imam y losdemas pa mga lideres relihiyoso para directamente superviza con el mga Madaris na entero ciudad para evita el influencia de estos mga persona que chene mal-plano na fueblo. – *Bhong Simbajon/RMN News*
