Gikanayon ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), subay sa ilang inisyal nga diskusyon kabahin sa maong concern, gipasabot niini nga mabutang sa risgo ang mga pasyente nga anaa sa sulod sa hospital kung dili ipailawom sa RT-PCR test ang i-admit nga bag-ong pasyente lakip na ang kauban niini.
Gibutyag ni Schlosser, kadaghanan sa mga kaso sa COVID-19 karon mga asymptomatic o mild rason nga importanteng masiguradong ang musulod sa hospital luwas sa COVID-19 pinaagi sa RT-PCR test aron dili ma-compromise ang ubang mga pasyente ingon man ang mga medical frontliners.
“Initially, dili pwede ma-lift ang kadtong requirement of RT-PCR test for patient for admission. Then kadtong mga watchers nila na either family members nila nga magpabilin sa ila sa hospital,” matud ni Schlosser.
Gidugang sa health official, ugaling aduna nay pinal nga desisyon labot sa maong hisgutanan, laumang adunay ipagawas nga Executive Order (EO) ang lokal nga panggamhanan kabahin niini.
RadyoMaN Kirby Manzon
