Davao City – Sukad niadtong Enero 13 temporaryong gisuspende sa lokal nga panggamhanan sa Davao ang libreng Real-Time-Polymerase Chain Reaction Test (RT-PCR) testing sa mga pasaherong pasulod og Davao International Airport (DIA).
Gibutyag ni Davao City Tourism Operations Office (CTOO) head Generose Tecson niadtong Huwebes, nga ilahang gi-idirect usa ang mga resources tungod sa taas nga ihap sa local transmission.
Matud ni Tecson, mabalik ang free RT-PCR testing at DIA kung fully operational na ang Los Amigos COVID-19 Laboratory ug ang permit sa maong lab.
Prayoridad nga maka-exit sa DIA ang mga pasaherong aduna nay negative RT-PCR tests result sulod sa 24-72 oras una ang ilahang flight schedule inig mahuman og check ang mga health declaration forms (HDFs) diin kinahanglan kining makigalayon sa ilahang mga BHERTS (Barangay Health Emergency Response Team) ug mandatory ang 14- day home quarantine sa mga LSIs.
Samtang, mamahimong maka-exit ang mga non-Davao residents bisan walay negative RT-PCR basta sunduon kini sa ilahang mga LGUs.
RadyoMaN Aimee Guinita
