Nangandam na ang Roads and Traffic Administration (RTA) alang sa tinuig nga kasaulogan sa Black Nazarene ilabina sa ipahigayong traslacion sunod semana, Enero 9, 2018.
Namutang na usab sila og mga Parking Sign sa mga dalan nga agian sa maong traslascion. Tungod niini, hugtanong guinadili ang pag-park sa mga dalan nga maagian sa traslacion sa mismong adlaw sa maong kasaulogan sugod ala una sa kadlawon (1AM) hangtud sa alas syete sa buntag (7AM).
Matud ni Engr. Nonito Oclarit kinsa Assistant Department Head sa RTA nga paga-abrihan gilayun ang mga dalan nga temporaryo nga isira kung makalabay na ang imahe sa itom nga Nazareno.
Basi sa impormasyon nga nakuha sa DXCC, nasayran nga sugdan ang maong traslacion gikan sa St. Agustine Cathedral Church, moagi sa Fernandez Street, Velez street ug mo-right turn sa CM Recto Highway padulong na sa Nazareno Church.
