Naka angkon ug samad ang biktima human kini gitigbas didto sa brgy. San isidro, Naga, Zamboanga Sibugay.
Naila ang biktima nga si Alberto Estomago Zambrano, 35 anyos menyo usa ka rubber tapper, molupyo sa nahisgutan nga brgy.
Sa inisyal nga imbistigasyon sa kapulisan nasayran nga samtang nagsakay ang biktima sa iyang kabayo, pag abot niya sa lugar nga nahitaboan ang kalit lang mibutho ang suspek nga si Chong-Chong Tampejo, hingkod ang pangidaron, molupyo sa nahisgutan nga dapit. Sa walay daghang pangutana mitigbas kini sa biktima, gilayong naka angkon ug samad sa walang bahin sa iyang bukton.
Human sa panghitabo dali nga gidala sa balay tambalanan alang sa hinanaling medikasyon, samtang padayon pa nga gipangita sa kapulisan ang suspetsado aron sa posibleng pagka aresto niini.
