Giturn-over ngadto sa Cogon Police Station ang duha ka rugby boys human nasapong nangawat og payong.
Ang mga suspek mao silang Peye Serapin nga taga Calaanan, Barangay Canitoan ning syudad ug ang 13 anyos nga taga Agora, Barangay Lapasan.
Si Serapin ug 13 anyos ang nasapong nangawat og payong sa Go Shop Trading nahimutang sa Corrales-Hayes Streets, Barangay 40 mga alas 6:10 kagabie.
Misulay pa og ikyas ang duha ka suspek samtang nagsimhot og rugby apan nasikop ra gihapon sa kapulisan.
Gawas sa duha ka payong nga nagkantidad og 170 pesos ang matag usa, nakuha usab gikan sa mga suspek ang duha ka pares sa tsinelas nga nagkantidad og 280 pesos ang matag usa ug duha ka sudlanan sa rugby.
Facebook Comments
