Rule of Succession ang Tumanon sa kaso ni Brgy. Captain-elect Saquian —pagpaklaro sa DILG 11

Davao City- Giklaro sa Department of the Interior and Local Government (DILG) Davao Region nga Rule of Succession ang sundon sa kaso ni Barangay Datu Abdul Dadia newly elected Kapitan ug Engr. Paul Albert “Epong” Saquian.

Sa interbyu sa DXDC kang Alex Roldan, DILG 11 Regional Director, ang Section 44 sa Local Government Code of 1991 kun Republic Act 7160 mao ang applicable provision sa nabakanteng posisyon human gipusil-patay ang biktima.

Sumala ni Roldan, ang numero unong Barangay Kagawad ang mulingkod nga kapitan.

Gibutyag ni Roldan, aron makumpleto usab ang line-up sa pito ka mga Barangay Kagawads, kinahanglang mag-appoint ang Mayor og usa ka Barangay Councilor.

Sa Section 92 sa RA 7160, una pa molingkod sa puwesto ug mobuhat sa iyahang official duties ang newly-elected official, kinahanglang manumpa una kini. Ang pagpanumpa nagpadayag nga gidawat sa maong elected official ang posisyon ug misaad kini nga ipatuman ang responsibilidad nga gisangon ngadto kaniya.

RadyoMaN Aimee Guinita