Rule on substitution sayron

Davao City – Kinahanglan miyembro sa usa ka political party ang usa ka kandidato nga buot magpa-substitute sa iyang gidaganan nga posisyon human kini maka file sa Certificate of Candidacy (CoC) atol sa election period.

Kini maoy pamahayag ni Commission on Election (COMELEC-XI) Regional Election Attorney Spokesperson, Atty. Krisna Samantha Caballero atol sa interbyu kaniya sa tulumanong ‘Straight to the Point’.

“You must be a member of a political party in order for you to be substituted. Pag independent (party) you cannot be allowed to be substituted and pwede na siya until November 29,” segun niini.


Segun ni Caballero nga kinahanglan lang ang usa ka kandidato og statement of cancellation sa kapanahonan sa filling sa CoC.

Sa pikas bahin, subling nagpahinumdom ang tigpamaba sa COMELEC-XI sa mga buot mag file sa ilang CoC ugmang adlawa, Oktubre 11, kinahanglan kumpleto na ug updated ang ilang mga dalang dokumento.

Dugang niini, kinahanglan naka-attach sa ilang notarized CoC form ang passport-size picture (at least 6 months latest), documentary stamp ug Certificate of Nomination ug Certificate og Acceptance kung membro sa usa ka party.

Samtang ang second district sa COMELEC-Davao office nahimutang sa Magsaysay Park ning syudad ang mudawat sa mga CoC.

“Sa mga magdala og supporters, mag hulat lang sa gawas para dili mag guot ug dili magkagubot sa sulod inig file,” dugang pahinumdom sa abogado.

RadyoMaN Jason Amisola

Facebook Comments