Esperanzao ay implementa el que se llama “rules of martial law” na entero provincial de Basilan este unu del maga asunto ya descuti durante el Provincial Peace and Order Council meeting ya comensa enantes aga.
Ya llama para el mencionao junta el mismo Provincial Governor si Jim Saliman donde ele el yan preside con el meeting.
El comamnder del 104th Brigade si Col. Fernando Reyes junto con el pulis ya anuncian tambien que ay implementa sila con el rules of martial law na provincian para previni el semehante incidente de “car bomb” que ya sosede del Julio 31, na Colonia donde ya fuerte explosion ya liquida 9 persona y 9 tambien ya sale irido.
Na mismo tiempo ya descuti tambien el implementacion del I.D. system na provincial.
Mientrastanto, en conneccion na car bomb, tiene un persona ya man surrender na otoridad quien ya admiti embuelto le na incidente.
Fuera con este, tiene tambien dos otro con quien ya puede aresta el maga otoridad.
Ya puede ya tambien sabe si onde ya sale el Hyundai van que ya usa para carga maga explosive.
Asegun ya compra con el vejiculo na region 12 y ya pasa cuantos mano hasta por ultimo ya guinda con un residente de Mohammad Ajul municipality.
