Ginsuguran na sang Social Security System ukon SSS ang kampanya nila nga Run After Contribution Evaders ukon RACE.
Katuyuan sang kampanya sang SSS nga lagson ang mga tindahan ukon negosyo sa bug-os nga pungsod nga non-compliant sa Republic Act 8282 ukon ang Social Security Act of 1997.
Pagapanaugan sang SSS sang show cause order ang mga establisyemento nga wala nagabayad sang kontribusyon sang ila mga empleyado kag pabayaran sa mga ini ang unpaid contributions.
Sa tion nga mapaslawan ang mga delinquent nga mga employer sa pagresponder sa show cause order mahimo sila magapangatubang sang nagakaigo nga kaso kag posible masilutan sang tubtub 12 ka tuig nga pagkabilanggo samtang kinahanglan man nila nga bayaran ang kabug-usan nga kantidad sang delinquencies kag penalties.
(photo from web)
