Pansamantalang isinara kanina ng Manila International Airport Authority (MIAA) ang Ninoy Aquino International Airport (NAIA) runways at taxiways matapos ang lindol kaninang pasado alas-10:00 ng umaga.
Ito ay para bigyang daan ang inspeksyon ng MIAA Ground Safety Units sa runway.
Bahagi kasi ito ng standard operating procedure para matiyak na ligtas ang paglapag at pag-take-off ng mga eroplano.
Bago mag-alas-11:00 ng umaga kanina ay natapos ang inspeksyon.
Tiniyak naman ng MIAA na hindi naapektuhan ng inspeksyon ang departure at arrival operations sa loob ng NAIA terminals.
Facebook Comments
