Duha ka mga biktima nga taga dinhi sa probinsya sa Zamboanga Del norte ang naka angkon ug bun-og human naaksidente ang ilang gisakyan nga Rural Bus didto sa may MCLL Highway of Brgy. Culianan, Zamboanga City.
Ang mao nga bus gimaneho ni Rolly Fiel, 46 anyos, residente sa Bakung, Salug, ning probinsya sa Zamboanga del norte.
Human mibangga ang bus sa barrier tunga sa dalan, nakaangkon ug bun-og sila si Jaujan Halilulla, taga Siasi, Sulu; Edwin Matos, taga Baliangao, Misamis Occidental; Merelyn Mertalla, taga Manukan, Zamboanga del Norte; Maria Jane Ronday, female, taga Jose Dalman, Zamboanga del Norte; Jaspil S. Wahab, minor de edad taga Siasi, Sulu; Evelyn Romeguera Bagona, taga Upper Calarian, Zamboanga City; Merilyn R Benigno, taga Bongao, Tawi-tawi; ug Michael Huminig, taga Rojo compound, Brgy. Kasanyangan, Zamboanga City.
Saysay pa sa driver wala niya na pugngan ang gimanehong bus, human kini nag kiay-kiay tunga sa dalan tungod sa kadanlog, hinungdan nga maayong pagkadaro sa center barriers sa dalan.
Pero butyag usab sa pipila ka pasahero, ilang nakita nga dili maayo ang pamati sa driver niadtong higayona sukad nga migikan dinhi sa dakbayan sa Dipolog padulong sa Zamboanga City.
Wala usab gibaliwala sa kapulisan nga posibleng nakatagpila ang nahisgutan nga driver.
