General Santos City— Padayon ang imbestigayson sa Police Station 4 human makarekober ug usa ka bala nga milusot sa usa atop sa usa ka carwash sa may Jhonny Ang, Brgy. City heights ning dakbayan.
Sumala kang Police Chief Inspector Joel Martinez, hepe sa Police Station 4 nga basi sa pamahayag sa carwash boy nga si Jade Dagalangan nga nakadungog nalang sila ug buto ug wala gilauman sa adunay mulusot nga bala sa ilahang pwesto. Kung asa hapit pa kini matunong sa iyahang ulo.
Dugang pamahayag ni PCI Martinez nga basi sa insiyal nga pagsuta, usa ka bala sa kalibre 45 ang narekober. Sa karon matud pa ilaha na kining submitar sa regional crime lab aron nga ma-imbestigahan.
Sumala atud pa sa mga residente sa lugar nga nakadungog sila ug buto sa pusil, apan wala matud pa sila nasayud kung asa gikan. (Lore Romualdo)
