Sabayang Patak Kontra Polio, magpadayon hangtod Disyembre 7

37

Mulungtad hangtod sa Disyembre 7 ning tuiga ang gipahigayong Sabayang Patak Kontra Polio nga gisugdan niadtong Nobyembre 25.

Nasayran nga target sa Department of Health nga mabakunahan ang tanang mga bata nga nag-edad ug 5 anyos paubos. Kini tungod sa kadaghan sa ihap sa nataptan sa polio virus sa nasud.


Sa interview sa RMN Malaybalay ngadto kang Grace Lingcasan ang health and education promotion officer kon HEPO sa City Health Office Malaybalay gibutyag niini nga karong adlawa Sabado target nila nga ma-adtuan ang mga nagkadaiyang subdivisions.

Pasabot niya tungod kay walay mga bata sa panahon sa weekdays maong gituyo nila nga adtuan kini sa weekend aron mabakunahan.

Maong gipanawagan nini sa mga ginikanan nga muadto lamang sa plaza sa ilang mga subdivisions tungod kay didto kini ipahigayon.

Gikataho usab ni Lingcasan nga positibo usab ang pagtagad sa mga ginikanan sa mao nga pagpamakuna tungod sa ubay-ubay nang kaso sa polio sa nasud.

Mulungtad ang mao nga programa hangtod sa Disyembre 7.

Facebook Comments

From Advertisers