SABOTAHE | Labao, nagapati nga indi kahimuan sang NPA ang pagpaarak luthang sa poluy-an sang nagapadalagan sa pagka-kapitan sa Brgy. Bato Bato

Mambusao, Capiz- Ginsiling ni Mambusao Mayor Jun Labao nga senaryo lamang ang natabo nga pagpaarak sang luthang sa poluy-an sang nagapadalagan sa pagka-kapitan sa Brgy Bato Bato.

Suno kay Labao, hugot ang iya pagpati nga indi kahimuan sang New peoples Army(NPA) kag indi election-related incident ang natabo sa baylo ini ang isa ka sahe sang pagpangsabotahe sa dalagan sang pulitika sa amo nga banwa.
Posible suno diri nga ini ang kahimoan sang mga persona nga yara sa banwa sang Mambusao kag wala sang iban nga plano nga maghimo sa gamo.
Sa pihak nga bahin ginmandoan na sang alkalde ang hepe sang Mambusao PNP nga si Police Senior Inspector Rachelle Garnica nga igapatigayon ang maid-id nga imbestigasyon sa amo nga insidente.

Suno sa alkalde nga dapat mangin pareho ang pagtratar sa duha ka bahin.


Samtang ginpasalig man sini nga indi na masulit ang kasubong nga insidente kadungan sang pagsiling nga malinong ang banwa sang Mambusao.
Nahibaloan nga sa kabug-osan nga sa 26 ka mga barangay sa Mambusao, 15 ang wala sang kontra kag 11 lamang ang mga may yara sang kasumpong.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments