Davao City – Gipahibalo sa Task Force Davao nga kinahanglang andamon daan sa publiko ang Safe Davao QR code inig-abot sa mga entry points sa syudad sa Davao.
Sa interbyu sa DXDC RMN Davao kang Task Force Davao Commander Col. Consolito Yecla, wala na gikinahanglan ang laing dokumentos gawas lang sa QR Code.
“It’s up to us kung i-scan siya or pangutan-on lang,” sumala niini.
Segun niini, kung adunay duda ang mga personahe sa DQR sa usa ka indibidwal, anha pa kini pangitaan og Identification cards.
Gipasabot ni Yecla, nasuspende ang scanning sa Safe Davao QR sa checkpoint tungod kay wala na-implementar ang blocking and unblocking system, pananglitan, i-block ang usa ka indibidwal kung identified kini nga nagpa-swab o closed contact sa usa ka positive.
Subay sa Executive Order No. 12 series of 2021, An order Providing for Updated COVID-19 Protocols in Davao City, rekisitos ang Safe Davao QR sa Land, Sea ug Air Travel.
RadyoMan Aimee Guinita
