SAFE NA | Hepe sang pulis nga nagresponde sa linupok natiruhan, suspek gintiro man

HINIGARAN – Padayon nga ginabulong sa Riverside Medical Center kag safe na ang pilason nga hepe sang Hinigaran PNP sa nagluntad nga shoot out sa amu nga banwa pasado alas dose kahapon sang hapon.

Una nakabaton sang report ang Police Station sa banwa sang Hinigaran nga may yara sang naga-maoy sa Hacienda Manucao-A, Brgy. Palayog.

Gina-tudlo diri nga naga-violente amo nga lugar si Dabi de Ysasi, sa diin nagapalupok ini sang iya kalibre 45 kag gina-pahog ang iya iloy kon indi ini maghatag sang kwarta.


Gilayon naman nga nag responde ang kapulisan sa pag panguna ni Chief Insp. Jake Barila, hepe sang Hinigaran PNP – sa tuyo nga pakalmahon si Ysasi, apang sa baylo nga magsunod sa pulis, nagbato ini kag didto natabo ang shoot-out.

Naka-angkon sang pilas sa idalom nga bahin sang hawak si Barila.

Samtang, si Ysasi ang naka-angkon sang duwa ka igo sa dughan kag padayon man nga ginabulong sa Corazon Locsin Montelibano Memorial Regional Hospital.

Facebook Comments