Safety and security sa biyahe sa bus gisiguro sa DCOTT

Davao City – Gipaniguro sa Davao City Overland Transport Terminal (DCOTT) nga hapsay ug luwas ang mga biyahe sa mga bus pasulod ug pagawas sa syudad sa Davao.

Sa interbyu sa DXDC RMN Davao kang Aiza Usop, DCOTT manager, gibutyag niini nga hugot nga gina-monitor sa Land Transportation Franchising and Regulatory Board (LTFRB-XI), ang mga sakyanan diin sila nagapahigayon og surprise monitoring ug inspection.

Sumala ni Usop, ginasiguro usab sa mga bus operator nga mainspeksyon ang mga pasahero ug ilang mga bagahe partikular na kadtong musakay sa highway, ug sila na-orient na usab kabahin sa Culture of Security campaign sa City Government of Davao.

“Ang atoa usab nga mga bus operator gi-inform nana nato sila regarding ana and matud pa nila, sila ang mag-inspeksyon pud sa ilahang mga pasahero diin ma-pick up dihaa along the way,” sulti ni Usop.

Kahinumduman, nibusikad ang likod sa usa ka bus sa Koronadal, South Cotabato kagahapon sa udto (Mayo 26, 2022) tungod sa improvised explosive device (IED), diin kini padayong giimbestigahan sa awtoridad.

RadyoMaN Kirby Manzon

Facebook Comments