Davao City – Nanawagan karon ang Chairperson sa Committee on Transportation and Communication sa konseho sa syudad sa Davao sa tanang mga bus operators nga kung dili na road worthy ang ilang mga sakyanan dili na pabiyaheon aron malikay sa mga disgrasya.
Sumala ni Davao City 3rd District Councilor Condrado ‘Conde’ Baluran, Chairman Committee on Transportation and Communication Davao City Council, ang maong mga sakyanan usa na ka running coffin.
Alayon niining sunod-sunod nga disgrasya sa kadalanan sa mga sakyanang de pasaheroan, giduso ni Councilor Baluran sa Land Transportation Office (LTO-XI) ug uban pang ahensiya sa gobyerno nga magbutang og driver’s data banking aron masuta ang record sa mga driver nga mag-apply sa mga bus company ug ang kanunay nga pag-inspection sa mga bus de pasaheroan sa pagpanguna sa LTFRB alang sa road worthiness.
Sa pikas bahin duna nay giduso nga resolution sa konseho ning syudad si Konsehal Baluran aron awhagon ang LTFRB nga butangan gyud ang tanang bus ug speed limiter device apan wala pa kini matuman tungod kay wala pay nakitang accredited company nga makuhaan sa maong kagamitan aron ibutang sa mga sakyanan.
RadyoMaN Bernard Pantallon
