Davao City – Gikatakdang ipresentar sa ikaduhang committee hearing ang namugnang content sa Safety Module ilawom sa Committee on Peace and Public Safety.
Subay kini sa ordinansa nga pagtudlo sa mga magtutungha sa Junior ug Senior High sa tanang tulunghaan sa syudad sa Davao sa hisgutanang Traffic Regulations and Public Safety.
Gibutyag ni Councilor Ma. Belen Acosta, chairperson sa maong komitiba, nga nagpahigayon ang Department of Education (DEPED) og tulo ka adlaw nga seminar ug writeshop kauban ang mga authors ug illustrators sa maong module kaniadtong Agosto 23-24 aron mamugna ang content sa maong module diin ang mga resource speakers gikan sa Davao City Police Office (DCPO), Land Transportation Office 11 (LTO-XI) ug Public Safety and Security Command Center (PSSCC-Central 911).
“We aim to protect our children through teaching them basic measures and survival tips,” segun niini.
Samtang mahinayon ang laing seminar-writeshop karong bulana diin laing guest speaker na usab ang imbitahon tumong nga mapalambo pa ang Safety Module.
Kahinumdoman nga napasa sa first reading kaniadtong Mayo 29, 2018 ang maong ordinansa.
RadyoMaN Jason Amisola
