Davao City – Dili sundon o tuhoan ang giingon ni former Lipa Batangas Archbishop Ramon Arguelles nga dili na kinahanglang magsul-ob og face coverings batok COVID-19 sa katarongan nga dili kita pasagdan sa Diyos.
Sumala ni Msgr. Paul Cuizon, St. Francis of Assisi Parish Priest, iyang personal nga baruganan kadto ni Arguelles hinungdang dili angayang sundon tungod kay dili na siya aktibong obispo sa simbahang Katoliko.
Gipasabot usab ni Cuizon nga ang baruganan sa Catholic Bishops Conference of the Philippines (CBCP) karon mao ang hugot nga pagtuman sa gipakanaug nga mga health safety protocols sa mga medical experts ug sa gobyerno aron atong mabatukan ang COVID-19.
“Personal ‘to niya (ni Arguelles)…Kabalo ko nga ang CBCP is alongside government, working hand-in-hand with government alang sa proteksyon sa atong tagsa-tagsa para di ‘ta matakdan sa COVID…Face mask is necessary, safety protocol is necessary,” pagpatin-aw ni Cuizon.
RadyoMaN Bernard Pantallon
